കുമാരേട്ടന്‍ അഥവാ കുമാരേട്ടന്‍

ഞങടെ വീടിനടുത്തേയ് ഒരു കുമാരന്‍ ചേട്ടനുണ്ട്. ആളൊരു അര മന്ദയാ.. (മന്ദ എന്നാല്‍ മന്ദബുദ്ധി).
സന്ധ്യയ്ക്കു ആകാശത്തൂടെ വിമാനം പോകുന്നതു കാണുമ്പോള്‍ കുമാരന്‍ ചേട്ടന്‍ പറയും
“നീലാ...പച്ചാ‍....ചുവപ്പ്..... ഹാ എന്തരു ഫംങി.“ അപ്പോള്‍ അടുത്തുള്ള ഏതെങ്കിലും
ചേട്ടന്മാര് കുമാരേട്ടനെ വട്ടാക്കാനായി ചോദിക്കും
“ എങ്ങനാ കുമാരാ ഈ വിമാനം പറക്കുന്നെ?”
കുമാരന്‍ ചേട്ടന്റെ മറുപടി. “അതറിഞ്ഞൂടെടേയ്?.
മോളിക്കൂടെയല്ലെ ഈ സാധനം പോണെ.. അപ്പ അവിടെ നല്ല കാറ്റല്ല്യെ അങ്ങനെ കാറ്റടിച്ചോണ്ട് പോണതല്ലെ -
നീയെക്കെ എന്തിനെടേ പഠിക്കാന്‍ പോണെ.... തന്ത്യാന്റെ (അച്ഛന്റെ) കാശ് കളയാനെക്കൊണ്ട്....

ഒരിക്കല്‍ കുമാരേട്ടന്റെ ബന്ധുവിന്റെ വീടു പുതുക്കി പണിയുന്നിടത്ത് ഇരിക്കുകയായിരുന്നു
കുമാരേട്ടന്‍ . പുറത്തു പോയിരുന്ന കുമാരേട്ടന്റെ മാമന്‍ എന്തെങ്കിലും വേണൊന്നറിയാന്‍
പുറത്തു നിന്നും ഫോണ്‍ ചെയ്തു. കുമാരേട്ടനാണ് ഫോണ്‍ അറ്റന്‍ഡ് ചെയ്തതു.
ആശാരി കുമാരേട്ടനോട് കൈയ്യിലിരുന്ന ആണി കാണിച്ചിട്ടു പറഞ്ഞു : ഡാ ഇതേലൊരു
കിലോ ആണി കൂടെ വാങി വരാന്‍ പറ എന്നു.

കുമാരേട്ടന്‍ ഫോണില്‍ പറഞ്ഞു : മാമാ... ഇത്തറേള്ള ഒരു കിലോ ആ‍ണി
കൂടെ കൊണ്ടരണേന്നു ആശാരി പറയുന്നു.” മാമന്‍ പറഞ്ഞ മറുപടി കുമാരേട്ടന്‍
ആശാരീടെ ചെവീല്‍ പറഞ്ഞത്രെ..?

പിന്നൊരിക്കല്‍ കുമാരേട്ടന്‍ അമ്മയുടെയും ചേച്ചിയുടെയും ഒപ്പം ഞങളുടെ അടുത്തുള്ള ശ്രീകൃഷ്ണ ക്ഷേത്രത്തില്‍
ഉത്സവത്തിനു പോയി. അന്നു കഥകളി

ആയിരുന്നു ( “ദില്‍ബാസുര“ വധമോ അങനെയുള്ള എന്തൊ ഒരു വധമായിരുന്നു.)
കഥകളി താമസിച്ച് തുടങി നേരം വെളുക്കും വരെ കാണും. കുമാരേട്ടന് കഥകളി വല്യ പിടുത്തമില്ലെങ്കിലും അമ്മയും
ചേച്ചിയും വരാതെ തിരികെ പോരാനും പറ്റില്ലല്ലോ?. ക്ഷേത്ര മുറ്റത്ത് സ്റ്റേജിനു മുന്നില്‍ ആണുങള്‍ക്കും പെണ്ണൂങള്‍ക്കും
ഇരിക്കാന്‍ കയര്‍ കെട്ടി തിരിച്ചിട്ടുണ്ട്. അമ്മയും ചേച്ചിയും ഒക്കെ ഇരിക്കുന്ന വശത്തെ മതിലിനു മുകളില്‍ കുമാരേട്ടന്‍ വലിഞു
കേറി ആനപ്പുറത്തിരിക്കുന്ന ഗമയിലിരുന്നു. കൈയില്‍ ഒരു പൊതി നിലക്കടലയും
(ദേണ്ടേ വരുന്നു പിന്നേം നിലക്കടല!! - വേണ്ടാ.... വേണ്ടാ‍ ആ‍ കമന്റ് വേണ്ടാ.... ഉത്സവം ആകുമ്പോള്‍
അതൂടെ വേണ്ടേ. നിലക്കടല ഇല്ലാതെ എന്തോന്ന് ഉത്സവം എന്നു കരുതി പറഞതാണേയ്).
കുറെ സമയം നിലക്കടലയുടെ ബലത്തില്‍ കുമാരേട്ടന്‍ ഉറങാതെ പിടിച്ചിരുന്നു. പിന്നെയെപ്പോഴൊ ഉറക്കം പതിയെ വന്നു
കുമാരേട്ടാന്ന് വിളിച്ചു. അരങ്ങില്‍ അസുരന്റെ കഴുത്തിനു പിടിക്കുന്ന അലര്‍ച്ച കാരണം വേറാരും ഉറക്കത്തിന്റെ വിളി കേട്ടില്ല.
കുമാരേട്ടന്‍ അറിയാതെ ഉറക്കത്തിന്റെ കയത്തില്‍ ബ്ലും എന്നു വീണു. പക്ഷെ ആ ഒച്ച എല്ലാരും കേട്ടു. കുമാരേട്ടന്‍ അവിടുന്നു
ഉരുണ്ട് പിരണ്ട് എണീറ്റു. പെണ്ണുങ്ങളെ ശല്ല്യം ചെയ്യാന്‍ ആരൊ ഇറങിയതാണെന്നു കരുതി ഒന്നു കൈകാര്യം ചെയ്യാമെന്ന
ഉത്സാഹത്തില്‍ ഉത്സവക്കമ്മിറ്റി വാളണ്ടിയര്‍ മാ‍രാരൊക്കെയോ പാഞ്ഞെത്തി. കുമാരേട്ടന്റെ തടി കേടാക്കണ്ടല്ലോന്നു കരുതി
അമ്മയും ചേച്ചിയും അസുരനെ വിട്ടിട്ട് കുമാരേട്ടന്റെ അടുത്തെത്തി. അസുരനെക്കാളും വലുതല്ലെ മോ‍ന്‍ .
‘എന്തെരെടാ കുമാരാ..... എന്തരപ്പീ പറ്റീത്?” അമ്മ ചോദിച്ചു.
“കിഷ്ഷ സ്സാമി ചയിച്ചെന്നേയ്.....” (കൃഷ്ണസ്വാമി ചതിച്ചു അമ്മെ എന്ന് തര്‍ജ്ജമ)
അതിനു ശേഷം കുമാരേട്ടന്‍ ഉത്സവം കാണാന്‍ പോയിട്ടില്ലെന്നു നാട്ടുകാര്‍ പറയുന്നു.!.!.
-വീണ.